काठमाडौंमा मधेशी विद्यार्थीमाथि कुटपिट

            काठमाडौं, २९, असोज । काठमाडौंमा एक मधेशी विद्यार्थीमाथि निर्घात कुटपित भएको छ । सामान्य विवाद हुँदा मधेशी विद्यार्थी सुनिल महतोमाथि कुटपिट भएको हो । कोटेश्वरस्थित जडीबुटी नरेफाँटमा डेरा गरी बस्ने महतोलाई एक पहाडी समुदायकी महिला बिन्दु शर्माले कुटपिट गरेको प्रत्यक्षदर्शीले बताएका छन् ।अरुसँगै सामान्य विवाद भइरहँदा सहजकर्ताको रुपमा झगडालाई छुटाउन गएका महतोलाई ती महिलाले ‘तँ मधेशी भएर यत्रो कुरा गर्ने’ भन्दै कुटपिट गरेकी थिइन् । ती महिलाले महतोको हातमा दाँतले काटेर उनको हातको छालासमेत निकालिदिएकी छन् । साथै उनीमाथि रडले समेत कुटपिट गरिएको बताइएको छ । 
           यस घटनाको मधेशी युथ थिंक ट्यांकले भत्र्सना गर्दै दोषीमाथि कडा कारबाही हुनुपर्ने माग गरेको छ । युथ थिंक ट्यांकका प्रशान्त झाले मधेशवाणीलाई भने, ‘यस्तो घटनाको हामी घोर निन्दा गर्दछौं र सामाजिक सद्भाव खलबलाउने तत्वहरुमाथि कडा कारबाहीको माग गर्दछौं ।’ दोषीमाथि हदैसम्मको कारबाही हुनुपर्ने माग समेत गरेको छ ।

लहानका आन्दोलनकारीहरुले आज सांकेतिक जंजिर जुलुस निकाले

             लहान ,असोज २९, २०७२ लहानका आन्दोलनकारीहरुले आज सांकेतिक जंजिर जुलुस निकालेका छन् I ‘मधेशी लाई गुलामी को जन्जिर बाट मुक्त गर ‘ नारा लगाउदै आन्दोलनकारीले फलामे जंजिरमा बधिएर सांकेतिक जुलुस प्रदर्शन गरेका छन् I संयुक्त लोकतान्त्रिक मधेशी मोर्चा र मधेशी युवा संघर्ष समितिको आयोजनामा निकालिएको जंजिर जुलुसले विगत सैयों वर्ष देखि मधेश र मधेशीलाई अहिलेको खस सरकारले गुलामीको जंजिरमा बाधी राखेको भन्दै यस गुलामीको जंजिर बाट मुक्त हुन् जोडदार मांग गर्दै प्रदर्शन गरेका छन् I विगत २ महिना देखि जारि रहेको आन्दोलनको आज ६१ औ दिन लहानको आन्दोलन चौक बाट निस्केको उक्त जंजिर जुलुस लहानको सहिद चौकमा पुगी कोण सभामा परिणत भएको थियो I कोण सभा लाई सम्बोधन गर्ने क्रममा पुर्व मन्त्रि राज लाल यादव , मधेशी युवा संघर्ष समितिका अध्यक्ष बालेश्वर यादव , तमलोपाका सिरहा जिल्ला सचिव राकेश झा ,सद्भावनाका सहमहासचिव राजु गुप्ता , मुस्लिम परिषद्का केन्द्रिय अध्यक्ष महमुद आलम , सद्भावना विद्यार्थी मंचका विजय यादवले आ -आफ्नो मन्तव्य राख्दै जब सम्म मधेश र मधेशी यो गुलामीको जंजिर बाट मुक्त हुदैन तब सम्म हाम्रो आन्दोलन जारि रहने कुरामा जोड दिएका छन् I

गैरकानुनी हुनुको पिडाः स्वास्थ्यमा बढी

                गैरकानुनीरुपमा बस्नेहरुलाई अश्वस्थ हुँदा उपचार गराउन ठुलो समस्या आउने गरेका छन। ज्यान रहे त सबै रह्न्छ, आँफै नरहे के रहला? उनिहरुको भित्री पिडा दु:खदायी छ। “बाहिर बसेर महिनाको १ लाख त कमाए तर जब बाथरुममा लडेर कानमा गहिरो चोट लाग्दा गैरकानुनी भई बसेकोमा पछुतो लाग्दै छ” रुकुमका २३ बर्षिय शुरेस खत्रीलाई| उनि उपचारको लागि निजि अस्पताल त गए तर चर्को शुल्कका कारण फर्किए।
               गैरकानुनीरुपमा बसेकाले सरकारी अस्पातलमा एक्लै जाने हिम्मत भएन। नेपाली समाजका स्थानीय अगुवा नबराज पराजुलीको सहायतामा सरकारी अस्पताल आदान लगेर निकै दौडदुप र भनसुन पछी खत्रीको चिरिएको कानको सिलाई त भयो तर डाक्टरको सल्लाह अनुसार एडमिट गर्न सकिएन । करिव ४ बर्ष पहिला अल सामसिया कम्पनीमा लेबर भिषामा आएका सुरेशले ‘३ वर्ष काम गरे पश्चात घर जान खोज्दा कम्पनीले पासपोर्ट नदिए पछि कम्पनी छोडेका हुन  ।
              यस्तै चार बर्स देखि कुवेतलाइ कर्म थलो बनाएका चितवन माडी -३ का सुर्य बहादुर दर्जीको कथा अझै दर्दनाक छ। प्लास्टिक इन्डस्ट्रीयल कम्पनिमा दुई साल काम गरि बिगत २ बर्ष देखि कम्पनि बाहिर अबैधरुपमा काम गरिरहेका उनी रोगले थलिएका छन । थाहै नपाई कमजोर भएको शरीरलाई रोगले च्यापी सकेको उनले थाहै पाएनन । दर्जी २८ सेप्टेम्बर २०१५ का दिन देखि काम गर्न नसकेपछी उनी हस्पिटलमा उपचारको लागि पुगेका हुन । उनलाइ चिनिरोग (मधुमेह) र एपेंडिस रोग लागेको रहेछ । उपचार गर्ने क्रममा चार ओटा निजि हस्पिटल सम्म पुग्दा डाकटरहरुले उपचार गर्न सक्दैनौँ भने । उपचार गरे पनि अती महगो पर्ने भो । उनी अहिले पाचौ प्राइभेट हस्पिटल महाबुल्ला स्थित अल-अलियामा भर्ना भए।
             चर्को शुल्क तिरेर उपचार गरेपनि सन्चो नहुदा अस्पातालले डिस्चार्ज गरेका दर्जी एनआरएन कुवैतको पहलमा नेपाली दुतावास कुवैत पुगे। दुताबास पुगेर नेपाल जाने अस्थाइ रहदानी त बनाए तर व्यथा निकै बढेकोको मध्यपशिचमा सेब समाजका अध्यक्ष गणेश रावतको सहायतामा सरकारी अस्पताल फर्वानियामा उपचार गर्न गए । उनी अहिले पुरानै कम्पनीमा गएका छन ।
             खत्री र दर्जी जस्तै कुवैतमा भागेर काम गर्नेहरुको सख्या कुवेतमा धेरै छ। कुवेतमा ग़ैरक़ानूनी हुनुमा सबैका आ-आफ्नै समस्याहरु होलान र छन । ग़ैरक़ानूनी भएर बस्दाका पिडा ब्यथाका भोगाइ जे जस्ता भएपनी गैर कानुनी हुन कसैले चाहेको हुँदैन। तर बिभिन्न परिबेशले गैरकानुनी भएकाहरुलाई सबै भन्दा अप्ठेरो शरीरलाई बिसन्चो अनी चोटपटक लाग्दा हुने गर्दछ । यहाँका निजि अस्पतालहरुको उपचार शुल्क सबैको पहुचमा हुदैन । सरकारीमा गैरकानुनीरुपमा रहेकाहरुलाई सिभिल आइडी(यहाको सरकारले भिसा अबधी भरका लागि प्रदान गर्ने कार्ड) बिना उपचार गर्न मिल्दैन र मान्दैन पनि । यदी अतिनै चिन्ताजनकलाई भने अस्पातलले भर्ना लिन्छ तर प्रहरीलाई बोलाएर कानुनी प्रकृयाका लागि पहल गर्छ। अबैधानिकलाई उपचार पस्चात कानुन लाग्छ। कम्पनी भन्दा बाहिर काम गरेर पैसा त कमाउन सकिन्छ तर आफै अस्वथ हुदा यहाँ उपचार गराउन निकै कठिनाई भोग्नु पर्दछ । तसर्थ गैरकानुनी हुनुभन्दा पहिला कुनै पनि समस्याको कानुनी उपचार खोजौं । कम्पनी वा घरमा काम गर्नेहरुले भागेर बस्नु भन्दा पनि आफूलाई आईपरेका समस्याहरु सम्बन्धित निकायमा पुर्याउनें कोशिस गरौ ।

आफुले काम गरेको रकम माग्दा कतारमा पाँच जना नेपाली युवतीहरु जेलमा

              बिहीबार, २८ असोज, काठमाडौं । आफुले काम गरेको तलब सुविजधा माग गर्दा पाँच जना नेपाली युवतीहरु जेलमा परेका छन् । कतारको एक कम्पनीले उनीहरुलाई अबैध रुपमा राखेर श्रम शोषण गरेको र तीन महिनादेखि तलब सुविधा नदिएको भन्दै उनीहरुले श्रम विभागमा उजुरी दर्ता गराएका थिए ।

उनीहरुको उजुरी लगत्तै उनीहरु कार्यरत कम्पनीले नै प्रहरी बोलाएर उनीहरुलाई पक्राउ गर्न लगाएको हो । पक्राउ पर्नेमा दोलखाकी रनकुमारी श्रेष्ठ, स्याङजाकी पिनकुमारी गुरुङ, मोरङकी मुना लिम्बु, सिन्धुलीकी राजकुमार सकर्नी र पर्वतकी उमा आले छन् ।

उनीहरु कर्निभल क्लिनिङ कम्पनीको स्पोन्सरमा कतार आएका थिए । त्यस कम्पनीले अर्को कम्पनी अल एखिटियार कम्पनीमा काम लगाएको थियो ।

उनीहरुले आफुले काम गरेको रकम माग्दा उल्टै गैर कानुनी रुपमा बसेको भन्दै कम्पनीले प्रहरी बोलाएर पक्रन लगाएको हो ।

पीडितका तर्फबाट रनकुमारी श्रेष्ठले दुतावासमा उजुरी दिएकी छिन् । दुतावासले भने उनीहरुको तलब सुविधा उपलब्ध गराउन पहल गर्ने बताएको छ ।