काठमाडौं— व्यवस्थापिका संसदको सोमबारको बैठक गणपुरक संख्या नपुग्दा स्थगित हुन पुगेको छ। व्यवस्थापिका बैठक सञ्चालनका लागि कम्तिमा १ सय ४९ जना सदस्य उपस्थित हुनुपर्नेमा सोमबारको बैठकमा १ सय ४२ मात्र उपस्थित भएपछि स्थगित भएको हो।
सोमबार संसदमा ३ सयभन्दा बढी सांसदहरुले हाजिर गरेका छन्। तर उनीहरु बैठक सुरु हुनु अगावै संसद भवनबाट हिँडिसकेका थिए। हाजिर गर्नुलाई मासिक भत्ता प्राप्तिको नैतिक आधारका रुपमा सांसदहरुले लिँदै आएका छन्।
नयाँ संविधान जारी भएपछि सांसद संख्या अपुग हुँदा बैठक स्थगित भएको यो दोस्रो पटक हो।
नेपाली कांग्रेसका सांसद रामहरि खतिवडाले सदस्य संख्याको उपस्थितिबारे प्रश्न उठाएपछि गणना गर्दा उपस्थित सांसद संख्या १ सय ४२ मात्रै पुगेको थियो। नयाँ संविधान जारी भएपछि गणपुरक संख्या नपुग्दा २–२ पटक ब्यवस्थापिका संसद स्थगित हुन पुगेको छ।
दुवै स्थगित बैठक कोरम नपुगेकामा प्रश्न उठाउने सांसद खतिवडा नै हुन्। यसका कारण सोमबारको बैठकमा व्यापारसम्बद्ध बौद्धिक सम्पत्ति अधिकारसम्बन्धी सम्झौता, संशोधन प्रोटोकल अनुमोदन हुन सकेन।
बैठकको सुरुमै संविधान संशोधन विधेयकले आन्दोलनरत संयुक्त लोकतान्त्रिक मधेसी मोर्चाले उठाएको माग सम्बोधन नगरेको भन्दै संघीय समाजवादी फोरम नेपालका सांसद शिवजी यादवले धारणा राखे । लगत्तै, मोर्चाआबद्ध ४ दलले संसद बैठक बहिस्कारलाई निरन्तरता दिएका थिए । सोलगत्तै नेपाल सद्भावना पार्टी र राष्ट्रिय मधेस समाजवादी पार्टी पनि बहिस्कार गरेर निस्कियो ।
नयाँ संविधान जारी भएपछि सांसद संख्या अपुग हुँदा बैठक स्थगित भएको यो दोस्रो पटक हो।
नेपाली कांग्रेसका सांसद रामहरि खतिवडाले सदस्य संख्याको उपस्थितिबारे प्रश्न उठाएपछि गणना गर्दा उपस्थित सांसद संख्या १ सय ४२ मात्रै पुगेको थियो। नयाँ संविधान जारी भएपछि गणपुरक संख्या नपुग्दा २–२ पटक ब्यवस्थापिका संसद स्थगित हुन पुगेको छ।
दुवै स्थगित बैठक कोरम नपुगेकामा प्रश्न उठाउने सांसद खतिवडा नै हुन्। यसका कारण सोमबारको बैठकमा व्यापारसम्बद्ध बौद्धिक सम्पत्ति अधिकारसम्बन्धी सम्झौता, संशोधन प्रोटोकल अनुमोदन हुन सकेन।
बैठकको सुरुमै संविधान संशोधन विधेयकले आन्दोलनरत संयुक्त लोकतान्त्रिक मधेसी मोर्चाले उठाएको माग सम्बोधन नगरेको भन्दै संघीय समाजवादी फोरम नेपालका सांसद शिवजी यादवले धारणा राखे । लगत्तै, मोर्चाआबद्ध ४ दलले संसद बैठक बहिस्कारलाई निरन्तरता दिएका थिए । सोलगत्तै नेपाल सद्भावना पार्टी र राष्ट्रिय मधेस समाजवादी पार्टी पनि बहिस्कार गरेर निस्कियो ।