जनकपुरको जनक चोकमा भएको सडक नाटकमा मधेशमा विगतकाल देखिनै वर्तमान सरकारले गरेको अत्याचारको बिरोधमा जोड़दार रुपमा आवाज उठाइएको थियो ।
नेकपा एमालेका अध्यक्ष केपी ओलीको तिखो बोली र नेपाली कांग्रेस, एकीकृत नेकपा माओवादी सहितका शिर्षनेताहरुको रवैयाको बिरुद्धमा समेत यो नाटकले चाटिलो रुपमा कडा प्रहार गरेको थियो । मधेशमा हरेक निकाय र पेसागत संघसंस्था तथा जातजातिगत संस्थाहरुले पनि दिनहुँजसो सडकमा उत्रिने गरेको छ । सो समयमा कलाकारहरुको संस्था पनि पहिलो पटक यस आन्दोलनमा ऐक्यबद्धता जनाउदैँ अधिकारको बिगुल फुकेको उद्घोष गरेको छ । अब आन्दोलनको प्रारम्भ भएको भन्दै पहिलो पटक कलाकारहरुको जमात रहेको संस्था मिनापले सडक नाट्य प्रदर्शन गर्दै नाटकीय शैलीमा आन्दोलनको उद्घोष समेत गरेको छ ।अधिकार प्राप्तिको आन्दोलनमा थप उर्जा प्रदान गर्नका लागि सडक नाटक प्रदर्शन गरेको मिनापका अध्यक्ष मदन ठाकुरले बताए । नाटकमा सुनिल मिश्र, मदन ठाकुर, अनिलचन्द्र झा, परमेश झा, गंगाकान्त झा, विष्णुकान्त मिश्र, रामनारायण ठाकुर, अनिता रानी मण्डल, धिरज ठाकुर, संदीप साह, मुकेश झा, राजा राउत र कृष्णा सहितका कलाकारहरुले उत्कृष्ट अभिनय गरेको थियो ।
