असोज १६ - कतार पुगेका अबिभाबकको हत्या भएपछि खोटाङका एक परिवारको बिचल्ली भएको छ ।
बैदेशिक रोजगारीका सिलसिलामा कतार पुगेका खोटाङ छितापोखरी–४ ढुसेनी का ४२ वर्षीया तिर्थबहादुर खड्काको हत्या भएपछि उहाँको ८ जनाको परिवार बिचल्लीमा परेको हो ।
कतारको सनैयास्थित पिनेल्को कम्पनीमा चौकीदारकारुपमा कार्यरत खड्काको डेढ महिनाअघि शंकास्पद हत्या भएपछि उहाँको श्रीमती सुमित्रा सहित ५ छोरी र २ छोराको बिचल्नी भएको हो ।
निम्न आर्थिक स्तर भएका खड्काको शंकास्पद हत्या भएपछि उनका ४ देखि १६ वर्ष उमेरभित्रका ७ जना छोराछोरीको पठन–पाठन प्रभाबित भएको छ ।
निम्न आर्थिक स्तर भएका खड्काको शंकास्पद हत्या भएपछि उनका ४ देखि १६ वर्ष उमेरभित्रका ७ जना छोराछोरीको पठन–पाठन प्रभाबित भएको छ ।
मृतक खड्काको जेठी छोरी पार्वता खड्का कक्षा ७ मा, माईली छोरी बिमला कक्षा ६ मा, साईली पर्मिला ४ मा, काइली बिपना ३ मा र कान्छी सपना खड्का कक्षा २ मा अध्यायनरत छन् ।
यस्तै जेठो छोरा धिराज कक्षा ३ र कान्छो छोरा हिराज कक्षा १ मा अध्ययन गरिरहेका छन् । उनीहरु छितापोखरीस्थित जनसेवा माबि र जनचेतना प्राबिमा अध्ययनरत छन् ।
तिर्थबहादुरको हत्या हुनुअघि छुट्टै बस्दै आएका उनीहरु हाल आफ्नै मुल घरमा फर्किएर बसिरहेका आफन्त प्रेम भुजेलले बताउनुभयो ।
साहुको ऋण तिर्न नसकेपछि बिदेश पुगेका खड्काको बिदेशमै हत्या भएपछि हाल उहाँका ८ जनाको परिवार बनीबुतो गर्न बाध्य भएका छिमेकी भुजेलले बताउनुभयो ।
आउँदो मंसिरमा एकैसाथ सबै ऋण तिर्ने गरी घर आउने तयारी गरिरहेका खड्काको साथमा जम्मा भएको पैसाकाकै लागि कसैले हत्या गरेको हुन सक्ने अशंका परिवारको छ ।
तीन वर्षअघि कतार पुगे यता ऋण तिर्न ६० हजार र घर खर्चका लागि १ लाख रुप्रयाँ बाहेक अन्य पैसा नपठाएका खड्काको साथमा भएको पैसाकै कारण हत्या गरिएको हुन सक्ने कतारमै बस्दै आएका उहाँका भाई राजन खड्काको अनुमान छ ।
केहीदिनअघि भएको हत्याको कारण अझै खुल्न नसकेको खड्काको शव अझै नेपाल ल्याउन नसकिएको पारिवारिक श्रोतले जनाएको छ ।
