शनिबार दिनभरमा आयो १५ ट्यांकर पेट्रोल

काठमाडौं, असोज ३० । भारतले नेपाली ट्यांकरहरुलाई पर्याप्त मात्रामा इन्धन नदिँदा देशमा इन्धनको आपूर्ति विकराल बन्दै गएको छ ।भारतीय आयल निगमले ज्यादै न्यून मात्रामा इन्धन दिने र नाकाहरुबाट समेत चेकजाँचमा कडाइ जारी राखेको छ ।शनिबार साँझसम्ममा देशका विभिन्न नाकाहरुबाट १५ ट्यांकर पेट्रोल, २७ ट्यांकर डिजल, ९ बुलेट ग्यास र एक ट्यांकरमट्टितेल नेपाल भित्रिएको छ ।रुपन्देहीको बेलहिया नाका, काँकडभिट्टाको मेची भन्सार, विराटनगरको रानी भन्सार, कैलालीको धनगढी नाकाबाट इन्धनका गाडीहरु नेपाल भित्रिएका हुन् ।अन्य मालबाहक गाडीहरु भने प्रशस्त मात्रामा आइरहेको हाम्रा स्थानीय समाचारदाताहरुले जनाएका छन् ।