पोखरा, कार्तिक २ । दशैंका लागि पोखरामा करिब १६ हजार भेडा, च्याङ्ग्राा भित्रिएका छन् । मुस्ताङ, डोल्पा, मुगु, तिब्बतबाट ३० करोड बराबरका भेडा च्याङ्ग्रा पोखरा ल्याएको व्यवसायीहरुले बताएका छन् ।गत वर्ष भन्दा १ हजार बढी भेडा, च्याङ्ग्रा पोखरामा भित्र्याइएको हो । हिमाली भेगमा पाइने जडिबुटी खाएर हुर्केको भेडा, च्याङ्ग्राको माग बढी हुने गर्दछ ।
दशैंको बेलामा पोखरा आसपासका क्षेत्रमा मात्रै करिब ३० करोड रुपैयाँ बराबरको भेडा, च्याङ्ग्राको कारोबार हुने गर्दछ ।
कास्कीको याम्दीमा भेडा, च्याङग्रा बिक्रीका लागि राखिएको छ भने फुलपातीको दिन पोखरा टुँडिखेलमा राख्ने गरिन्छ ।
यस बर्ष मुस्ताङ लगायतका बिभिन्न क्षेत्रबाट ल्याइएका च्याङ्ग्राको मुल्य १८ हजार देखि २५ हजारसम्म रहेको व्यापारीहरु बताउँछन् ।
