प्रदर्शन नियन्त्रण गर्न प्रहरीले एक सय राउन्डभन्दा बढी अश्रुग्यास प्रहार गर्नुका साथै हवाई फायरसमेत गरेको थियो
यसैबीच, धनुषा जिल्ला सुरक्षा समितिको बैठकले जनकपुरलाई दंगाग्रस्त क्षेत्र घोषणा गरेको छ । प्रदर्शन हिंसात्मक बनेपछि सुरक्षा समितिले सेना परिचालन गर्ने तयारी पनि गरेको छ ।
यसअघि, प्रदर्शनकारीले धनुषाधाम नगरपालिकास्थित प्रहरी बिटमा आगजनी गरेका थिए । गाउँ–गाउँबाट लाठीसहित आएका प्रदर्शनकारीले जनकपुरमा भेला भइ प्रदर्शन गरेका हुन् ।आन्दोलनका कारण सुरक्षा अवस्था कमजोर बन्दै गएपछि जनकपुरमा शुक्रबार बिहान ६ बजेदेखि कर्फ्यु लगाइएको छ । आन्दोलनकारीले भने कर्फ्यु उल्लंघन गरेरै प्रदर्शन गरेका हुन् ।
