चितवनमा बस पल्टियो, एकको मृत्यु, तीनजना घाइते

चितवन, कार्तिक ३ । पूर्वी चितवनको रत्ननगर–७ बेल्सी पुलनजिकै मंगलबार दिउँसो यात्रुबहाक बस पल्टिँदा एकजनाको मृत्यु भएको छ ।

मृत्यु हुनेमा बसका चालक ३५ वर्षीय राजु खतिवडा रहेका छन् । उनको उपचारका क्रममा चितवन मेडिकल कलेजमा मृत्यु भएको जिल्ला प्रहरी कार्यालय चितवनले जनाएको छ ।

पूर्वबाट आउँदै गरेको ना५ख २८१ नम्बरको बस अनियन्त्रितभइ पल्टिँदा सो दुर्घटना भएको हो । दुर्घटनामा परी अरु ३ जना घाइते भएको र उनीहरुको भरतपुर अञ्चल अस्पतालमा उपचार भइरहेको प्रहरीले जनाएको छ ।घाइतेहरुको अवस्था सामान्य रहेको पनि प्रहरीले जनाएको छ ।  

•