७ साउन, काठमाडौं । मधेसकेन्द्रित तथा अन्य राजनीतिक दलको १० दिनदेखि जारी बन्दका कारण चार हजार मालबहाक गाडी मुलुकको प्रमुख नाका वीरगन्जनजिकै भारतीय सीमामा थन्किएका छन् । औसत २० टन बोक्ने गाडीहरु साताभन्दा बढी समयदेखि रोकिँदा कम्तीमा ८० हजार टन सामान अलपत्र परेको वीरगञ्ज भन्सार कार्यालयले जनाएको छ ।
मालबाहक ट्रक, कन्टेनर, प्लेटर्फम ट्रक, भेहिकल कार्गोलगायत गाडीको लर्को सीमावती भारतीय सहर रक्सौलको लक्ष्मीपुरदेखि करिब २५ किलोमिटरसम्म देखिएको छ ।
