धादिङ, भदौ ९ । धादिङको चिसापानीमा भ्यान दुर्घटना हुँदा एक जनाको मृत्यु भएको छ भने अन्य ६ जना घाईते भएका छन् । प्रहरीका अनुसार मृतकको सनाखत हुन सकेको छैन ।
मंगलबार राति साढे ११ बजे सडक छेउमा रोकी राखेको बा२ख ४०४५ नम्बरको भ्यान अचानक गुडेर खोल्सामा खसेको हो । दुर्घटना पश्चात चालक फरार रहेकाले खोजी कार्य भइरहेको प्रहरीले जनाएको छ ।
दुर्घटनामा धादिङ फुलखर्ककी ७० वर्षीया बृद्धा बुनाकुमारी बिक, ३७ वर्षीय चेतबहादुर बिक, ५ वर्षीया सीमा बिक, २३ वर्षीय मिलन राना, १९ वर्षीय रामकाजी राना र नाम थर खुल्न नसकेकी एक महिला घाइते भएका छन् । घाईते मध्ये ३ जनाको अवस्था गम्भीर रहेको जनाइएको छ ।
